በክልሉ ንግድና ኢንዱስትሪ ቢሮ ከመስከረም 22 እስከ 23/2002 ዓ.ም. ድረስ በሀዋሳ ከተማ ን/ኢንዱስትሪ ቢሮ ስብሰባ አዳራሽ በተካሄደው ሴክተር ጉባኤ የክልሉ ምክትል አስተዳዳሪና የንግድና ኢንዱስትሪ ቢሮ ኃላፊ አቶ ታገሰ ጫፎ በክልሉ ኢንቨስትመንትን ለማስፋፋት እየተደረገ ባለው እንቅስቃሴ ፈቃድ አውጥተው፣ መሬት ተረክበውና አስፈላጊው ድጋፍ ተደርጐላቸው በገቡት ውል መሰረት  ማልማት  ሲጠበቅባቸው  ወደ ልማት  ባልገቡ  ባለሀብቶች ላይ ደረጃውን የጠበቀ እርምጃ መውሰድ ጊዜ የማይሠጠው ተግባር መሆኑን አስገንዝበዋል፡፡

ከ13ቱ ዞኖች፣ 8 ልዩ ወረዳዎች፣ ከአንድ ከተማ አስተዳደርና ከ22 የሪፎርም ከተሞች ለተውጣጡና ከ500 በላይ የሚሆኑ ከፍተኛ አመራር አካላት በተገኙበት ጉባዔ አቶ ታገሰ  ልማታዊ መንግስታችን ለህዝብ ጥቅም እየሠራ እንዳለ ገልጸው በክልሉ አንዳንድ ባለሀብቶች በከተማም ሆነ በገጠር ኢንቨስት ለማድረግ ፈቃድ አውጥተው፣ መሬት ተረክበውና አስፈላጊውሁሉ እየተደረገላቸው የወሠዱትን መሬት ያለ ልማት ከ4 እስከ 5 ዓመታት አጥረው ከማስቀመጣቸውም በላይ የህዝብና የመንግስት ሀብት የሆነውን መሬት እያስተላለፉ እንደሚስተዋሉ በማንሣት አመራሩ እነዚህ ባለሀብቶች ጥገኛ መሆናቸውን በመገንዘብ የተጠናከረ እርምጃ በመውሠድ መሬቱን በማሥመለስ አልሚ ለሆኑ ባለሀብቶች መተላለፍ የሚችልበትን ሁኔታ እንዲፈጠር አሳስበዋል፡፡

በክልሉ እስከ አሁን 5339 ባለሀብቶች የኢንቨስትመንት ፈቃድ እንዳወጡ መረጃዎች እንደሚጠቀሙ የገለጹት ኃላፊው ባለፈው ዓመት በተደረገው ጥብቅ ክትትል 205 ባለሀብቶች  የቃል ማስጠንቀቂያን ፣የጽሁፍን ጨምሮ የተለያዩ እርምጃ እንደተወሰደባቸውና እስከአሁን ፈቃዳቸው ሙሉ በሙሉ የተሠረዘባቸው 204 መድረሳቸውን ገልጸው በቀጣይም የክልሉ መንግስት የፈጠረውን ምቹ የኢንቨስትመንት አካባቢ በተጠናከረ ክትትልና ድጋፍ በማገዝ አልሚ ያልሆኑትን ባለሀብቶች ከሚያለሙት ነጥሎ የማውጣትና ደንብና መመሪያን የተከተለ እርምጃ በመውሠድ በየደረጃው ላለው አመራር ቁልፍ ተግባር ነው በማለት ገልጸዋል፡፡

የንግድና ኢንዱስትሪ ቢሮ ምክትል ኃላፊና የኢንቨስትመንት ማስፋፊያ የሥራ ሂደት ባለቤት አቶ የሱፍ ሳኒ በበኩላቸው የክልሉ መንግስት ከፍተኛ ወጪ አውጥቶ በየዞኖችና ከተሞች አስጠንቶ የለየውና በጋይድ ማኘ የተያዘው መሬት በአግባቡ ጥበቃ እየተደረገለት ባለመሆኑ\ በተለይ እታች ያለው አስፈፃሚ አካልና ህብረተሠቡ ስለኢንቨስትመንት ያለው ግንዛቤ የሚጠበቀው ደረጃ ላይ ባለመድረሱ መሬቱ ለተገቢው ልማት እየዋለ እንዳልሆነ ጠቁመው አመራር አካሉ የተጠናከረ የግንዛቤ ማስጨበጫ ሥራ መስራትና ኢንቨስትመንቱ በሀገር ዘላቂ የኢኮኖሚ እድገት እያበረከተ ያለውን ጉልህ ድርሻ በመገንዘብየተከለሉ መሬቶች ለተገቢው አገልግሎት መዋል እንዲችል በጥብቅ መስራት እንዳለበት ገልጸዋል፡፡

አቶ የሱፍ አያይዘው በከተሞች አካባቢ እየተደረገ ያለውን ኢንቨስትመንት በተቀናጀ፣ በተደራጀና በተናበበ መልኩ ለማካሄድ ሥራዎች ተለይተው ከሥራና ከተማ ልማት ቢሮ ጋራ የጋራ ስምምነት መፈረሙን ጠቁመው ይኸው አሠራር እስከታችኛው መዋቅር ድረስ እንደሚወርድ ገልጸዋል፡፡ የተጠናከረ ክትትልና ድጋፍ የቀጣይ ትኩረት መሆኑን ያብራሩት የሥራ ሂደቱ ባለቤት በክልላችን እስከ አሁን በኢንቨስትመንቱ ዘርፍ የታየው እንቅስቃሴና የተመዘገበው እመርታ የክልሉመንግስት ቁርጠኝነት የተረጋገጠበት መሆኑን የሚጠቁም ስለሆነ አመራር አካሉ የሚጠበቅበትን በማድረግ እየተፈጸመ ላለው ታሪክ ባለቤት መሆን እንዲችል ጥሪ አቅርበዋል፡፡

በጉባኤው የ2001 ዓ.ም. አጠቃላይ የዕቅድ አፈጻጸም ሪፖርት ቀርቦ ውይይት የተደረገበት ሲሆን በቀጣይ 2002 የሚተገበሩ ተግባራትና ትኩረት የተሠጣቸው ነጥቦችም የጋራ ግንዛቤ ተፈጥሮባቸዋል፡፡

በክልሉ በ2002 ዓ.ም. የመጀመሪያ ሩብ አመት 10,610,938,124 ብር ካፒታል ላስመዘገቡ 58 ባለሀብቶች በተለያዩ መስክ የኢንቨስትመንት ፈቃድ መስጠቱን የንግድና ኢንዱስትሪ ቢሮ ም/ኃላፊና የኢንቨስትመንት ማስፋፊያ የሥራ ሂደት ባለቤት አቶ የሱፍ ሳኒ አሳወቁ፡፡

  እነዚህ ፐሮጀክቶች በሙሉ አቅማቸው ወደ ማምረትና አገልግሎት ወደ መስጠት ሲሸጋገሩ ለ7,442 ዜጐች ቋሚና ጊዜያዊ የስራ እድል እንደሚፈጥሩ ይገመታል፡፡ ኘሮጀክቶች እስከአሁን በክልሉ ፈቃድ ያወጡትን ባለሀብቶች 5,339፣ የተመዘገበውን ካፒታል ወደ 55,598,104,686 /ሃምሳ አምስት ቢሊየን አምስት መቶ ዘጠና ስምንት ሚሊየን አንድ መቶ አራት ሺ ስድስት መቶ ሰማኒያ ስድስት / ብር ሲያደርሰው የሚፈጠረውን የሥራ ዕድል ደግሞ 1,132,132 እንዲደርስ ማድረጉን አቶ የሱፍ ገልጸዋል፡፡

ፈቃድ ማውጣትና በወጣው ፈቃድ መሠረት የከተማም ሆነ የገጠር መሬት መረከብ ብቻ በራሱ ግብ ያለመሆኑን የጠቆሙት ኃላፊው የክልሉ መንግስት ኢንቨስትመንትን በማስፋፋት በየደረጃው ያለውን ህብረተሰብ ከዘርፉ ተጠቃሚ ለማድረግ ደንብና መመሪያ አውጥቶ የተጠናከረ ድጋፍ እያደረገ መሆኑንና በህጋዊነት ሽፋን ህጋዊ ያልሆነ ጥቅም ለማግኘት ብለው ወደ ኢንቨስትመንቱ የተደባለቁትን ጥገኛ ባለሀብቶች ከአልሚዎች ለመነጠል በተጠናከረ መልኩ እየተንቀሳቀሰ መሆኑን ጠቅሠው እስከ በጀት አመቱ መጨረሻ ፈቃድ ወስደው፣ መሬት ተረክበውና የሚጠበቀው ድጋፍ ሁሉ ተደርጐላቸው ወደ ልማት ለመግባት ፍላጐት ባላሳዩትና ለ50,405 ዜጐች የሥራ ዕድል እንደሚፈጥሩ ተጠብቀው በነበሩ፣ ብር 2,789,956,143 ያስመዘገቡ 204 ኘሮጀክቶች ላይ ፈቃዳቸውን የመሰረዝ ሥራ መሠራቱንና በቀጣይም ይኽን ተግባር አጠናክሮ በመቀጠል ፈቃድ ወስደው ለበርካታ አመታት ያለ ልማት ታጥሮ የተቀመጠውን መሬት በማስመለሥ ለአልሚዎች እንደሚሠጥ አብራርተዋል፡፡

 አቶ የሱፍ አያይዘው የክልሉ መንግስት የሠጣቸውን ድጋፍ በተገቢው ተጠቅመው እውነተኛ የልማት አጋር መሆን ለቻሉና ምሳሌ ለመሆን ለበቁ ባለሀብቶች በየአመቱ ግልጽ በሆነ መሥፈርት በመለየት እያበረታታ መሆኑን ጠቁመው በ2000 ዓ.ም. የተለያዩ ሽልማትከተሠጣቸው 420 ባለሀብቶች በተጨማሪ በ2001 መጨረሻ ከየሴክተሩ ለተመረጡ 174 ባለሀብቶች ሽልማት መሰጠቱን አብራርተው እየተሸለሙ ያሉ ባለሀብቶች በከፍተኛ የስራ ኃላፊነት ስሜት ተጠናክረው ሲቀጥሉ በመታየቱ በቀጣይም በባለሀብቱ እየተስተዋሉ ያሉ ክፍተቶችን በማጥናት ክፍተቶችን የሚሞላ ድጋፍ በማድረግ እድገት ማሥመዝገብ ለቻሉ ሽልማቱ ተጠናክሮ እንደሚቀጥል ጠቁመዋል፡፡

ኢንቨስትመንቱ በዘላቂነት ለማስቀጠል ሥራውን አቀናጅቶና አደራጅቶ ለመምራት የሚያስችል የ10 አመት የልማት ኘሮግራም ተነድፎ በተግባር እየተገለጸ ከመሆኑም በተጨማሪ በ2000 ዓ.ም. በገጠር 529,181.233 ሄ/ር፣ በከተማ 756,6898 ሄክታርና በከተማ ኢንዱስትሪ ዞን ደግሞ 856.3 ሄክታር መሬት ተዘጋጅቶ ጋይድማኘና የኘሮጀክት ኘሮፋይሎች ተዘጋጅተውለት ልማታዊ የሆነው ባለሀብት ያለውጣ ውረድ ባቀረበው ኘሮጀክት ንጽጽራዊ ጠቀሜታ መሠረት መሬት አግኝቶ ወደልማት እንዲገባ ተደርጐ የነበረ ሲሆን ተግባሩም በ2001 ዓ.ም. ቀጥሎ 55018.11ሄክታር የገጠር 196.01 ሄክታር የከተማ መሬት ተዘጋጅቶ ሲሰጥ መቆየቱንና እየተሰጠ መሆኑን የገለጹት አቶ የሱፍ በቀጣይም አልሚ ባለሀብቶች ከመሬት አንፃር ያላቸውን ፍላጐት ለማሟላት ከ307,295.7 ሄክታር በላይ መሬት  መኖሩንና በየደረጃው ካለው ህብረተሠብ ጋር በመመካከር በስፋት ለማዘጋጀት እቅድ ተይዞ እንቅስቃሴ እየተጀመረ መሆኑን ከሰጡት ማብራሪያ መረዳት ተችሏል፡፡

 መንግስት መሬት የሚያልቅ ሀብት መሆኑን በመገንዘብ ለጥገኞች መጠቀሚያ እንዳይሆን የአስተዳደር ስርዓቱን የለወጠ በመሆኑ ከዚህ በኋላ አልሚ ባልሆኑ ባለሀብቶች እጅ የሚገባበት እድል መዘጋቱን ያስገነዘቡት አቶ የሱፍ የማልማት አቅምና ፍላጐት ያላቸው የሀገር ውስጥም ሆነ የውጭ ዜጐች በክልሉ ኢንቨስት ለማድረግ ቢመጡ ከመቼውም በላይ በፍቅር ተቀብሎ ለማስተናገድ አስፈላጊው ሁሉ መዘጋጀቱን ገልጸዋል፡፡

ወደላይ ሂድ  

የክልሉ ንግድና ኢንዱስትሪ ቢሮ ምክትል ኃላፊና የኢንቨስትመንት ማስፋፊያ የሥራ ሂደት አቶ የሱፍ ሳኒ በቱሪዝምና ሆቴሎች ኢንቨስትመንት መሰማራት ፍላጐት ላላቸው ባለሀብቶች ክልሉ አዋጭ መሆኑን ገለጹ፡፡

እስከ ሩብ አመቱ መጨረሻ 4,336,560,445.52 ካፒታል ያስመዘገቡና ለ44,524 ዜጐች የስራ እድል የሚያስገኙ 929 ኘሮጀክቶች በሆቴልና ቱሪዝም ኢንቨስትመንት ዘርፍ ተሠማርተው እየተንቀሳቀሱ ያሉ ባለሀብቶች መኖራቸውን ያብራሩት አቶ የሱፍ ክልሉ ከ56 በላይ የሚሆኑ የራሣቸው ቋንቋ፣ ባህልና የአኗኗር ስርዓት ያላቸው ብሔር ብሔረሰቦች ተፈቃቅረውና ተከባብረው የሚኖሩበት፣ በርካታ ታሪካዊ፣ ተፈጥሮአዊና ባህላዊ መስህቦች ባለቤት በመሆኑና ወደ ክልሉ የሚገቡ የቱሪስት ፍሰት በየጊዜው እየጨመረ በመምጣቱ የቱሪስቱን ምቾት የሚጠብቅና የቆይታ ጊዜውን የሚያራዝም አገልግሎት ለመስጠት ደረጃውን የጠበቀ የአገልግሎት ሰጪ ተቋማትን በመገንባት መንቀሳቀስ ለሚፈለጉ ባለሀብቶች የክልሉ መንግስት አስፈላጊውን ሁሉ ለማድረግ ማዘጋጀቱን ገልጸዋል፡፡

ቱሪዝም በዓለም አቀፍ ህዝቦች መካከል መቀራረብንና መግባባትን በመፍጠር በዓለም ሰላምን ከማበርከቱም በተጨማሪ ለሀገር ኢኮኖሚ ያለው ጠቀሜታ የላቀ መሆኑን የጠቆሙት ኃላፊው እስከአሁን በዘርፉ የተሰማሩ ባለሀብቶች እያበረከቱ ካለው አስተዋጽኦ በተጨማሪ ቀጣይ በሆቴሎችና ቱሪዝም ዘርፍ መሰማራት ለሚፈልጉ አልሚ ባለሀብቶች በየከተማው ከ379.72622 ሄ/ር በላይ መሬት በጋይድ ማኘ በማስደገፍ መዘጋጀቱን አብራርተው በዘርፉ መሠማራት ለሚፈልጉ ሁሉ ጥሪያቸውን አስተላልፈዋል፡፡

ፎረሙ አልሚው ባለሀብትና ከፍተኛ አመራሩ በኢንቨስትመንት እንቅስቃሴ ስኬት ዙሪያ ያገጠሙ ችግሮች በጋር እውቀት መፍትሄ የሚያገኘበት፤ ጠቃሚ ልምዶች ደግሞ ተቀሞረው የአሰረር ስርዓት የሚሆኑበት መሆኑን የገለፁት አቶ ሽፈራው በሥራ ሂደት ያጋጠሙ ችግሮች እንዲነሱ አደርገዋል፡፡ ለተነሱ ጥያቄዎችም በቂ ምላሽ ተሠጥቷል፡፡ ለሁለት ቀናት ሲከሄድ የቆየው ፎረምም በክልሉ ኢንቨስትመንት ተሠማርተው ስኬት ላስመዘገቡ 174 ባለሀብቶች እንደየአፈጻጸማቸው የምስክር ወረቀት፣መዳሊያና የዋንጭ ሽልማት እንዲያገኙ ተደርጐ ተጠናቋል፡፡

ከ8ዐዐ በላይ የሚሆኑ ልማታዊ ባለሀብቶችና የክልሉና የዞኖች ከፍተኛ አመራሮች በተሳተፉበት ፎረም ላይ አቶ ሽፈራው እንዳብራሩት የክልሉ መንግስት ኢንቨስትመንትን በማስፋፋት የነዋሪውን ህዝብ ዘላቂ ተጠቃሚነት ለማረጋገጥ እያደረገ ባለው እንቅስቃሴ ተስፋ ሰጭ ውጤት ማስመዝቡን ገልጸው የተመዘገበውን እድገት አጠናክሮ ለማስቀጠል በክልሉ በተለያየ ዘርፍ የተሰመራው ባለሀብት የሚጠበቅበትን መወጣት እንዳለበት ጠቁመዋል፡፡ ለዚሁም የክልሉ መንግስት ከጐናቸው እንደማይለይ አረጋግጠዋል፡፡

የክልሉ መንግስት የልማት ቀጠናዎችንና ኮሪደሮችን በመለየት፤ በከተማም ሆነ በገጠር ለኢንቨስትመንት አገልግሎት የሚውል መሬትን በማዘጋጀት፤ አልሚዎች እንዲያውቁት በማድረጉ እስከ አሁን በክልሉ ከ521ዐ በላይ ኘሮጄክት በተለያየ ዘርፍ ፈቃድ አውጥተው በመንቀሳቀስ ላይ እንዳሉ የገለፁት አቶ ሽፈራው ሽጉጤ በቀጣይም የሀገር ውስጥም ሆነ የውጭ ሀገር ዜጐችን እንደየጥያቄያቸው ለመስተናገደ የሚያስችል ምቹ ሁኔታ መፈጠሩን ገልጸዋል፡፡